قولوا لـ«أوباما» اختشى لسه الهرم موجود.. والنيل بيجرى وخيره على الوطن بيجود.. وشعب مصر العظيم أكبر من الإخوان.. ومهما طال صبرنا لصبر مصر حدود!!.. تبعد تقرب متفرقش معانا كتير.. تمنع تزود براحتك شعب مصر كبير.. بلاها أم المعونة وبلاها أمريكا.. وتوبة بعد النهاردة نمد إيد للغير!!.. واسمح لى أقولك كمان لازم تلم الدور.. وبلاش كلام حضرتك بعنجهة وغرور.. و«أردوجان» بكره يندم والدنيا بكره تشوف.. شعب الكنانة وهو على الدوام منصور!!.. أما «الجزيرة» خلاص هنشتريلها لجام.. وبكره نعرف عشان شتمتنا قبضت كام.. وكل إعلام شريف بكره يفوز بنيشان.. وكل إعلام عميل عشته فى مصر حرام!!.. أما اللى قلوا أدبهم على قيادة الجيش.. «السيسى» قائد بطل فى الدنيا زيه مافيش.. بكره التاريخ يذكره مع أعظم الأبطال.. فى عظمة «السيسى» ديوان المدح ميكفيش!!
