بابايا ف قسم كرداسة.. بيحمى الأمن ف حراسة.. عشان الناس تنام آمنة.. كإن الشمعة وناسة.. خرج للشغل قام باسنى. وقاللى كبرت يا راجل وضغطنى ف صدره حسسنى.. أنا لسه سنين خضرة.. ويوم الجمعة نتفسح.. كفاية العيد ماعيدتش..بإذن الله راح أفرح.. إيدين الغدر خطافة.. بحقد الدنيا تتوصى.. هجوم كاسح على الشرطة.. فى حلقى خلاص بقت غصة.. تفكرنى بسادات واقع.. فى وسط جنوده ف منصة.. ما تقفل يلا كراسة.. ستارة ونازلة يا حصة.. يا أمى خلاص ولا دمعة.. وهدفن حزنى جوايا.. يقولوا يا أمى إسلامنا.. وقتل أبويا إسلامى؟.. دا إرهابى وبيكبر.. وبيدخن رصاص أغبر.. متوضى عشان يقتل.. مربى الدقن قال منظر!
