الجوع كافر قيراط والمرض قيراطين.. متزعليش يا بلدى من ولادك اللى هجروكى.. ما دام البعدا الأشاوس وطونا ووطوكى.. ووقفوا يتفرجوا الخونة اللى نهبوكى.. متغربين بينا وبين ولادنا بحور.. لا قادرين نجيبهم معانا.. ولا قادرين نقول خلى الغربة تغور.. عارفة ليه؟ علشان كل اللى طالبينه الستر.. ويا دوب طاقة نور!! واللى له ضهر مينضربش على بطنه.. واللى ملوش ضهر كل البلاد وطنه.. سايبك يا غالية لأنى مليش فيكى مكان.. سايبك وبكره راجع لما ييجى الأوان.. لأنى مش مملوك ولا فى يوم كنت عبد.. ولا ناوى يوم أطاطى للواطى لجل المجد.. مهما يطول الليل لابد ييجى صباح.. وينادى منادى الخير حى على الفلاح.
السعودية - رمل الإسكندرية
