قلم رصاص آخره جومة.. كراريس مسطرة بالكومة.. جوه شنطة شكلها فيل.. والإيد على هيئة زلومة.. شايلها طفل فى الروضة.. لسه ما يعرفش الموضة.. داخلها أدوات غير فى البيت.. لعب سايبها فى الأوضة.. ماشى من الفرحة حايطير.. وسط أصحابه تقول عصافير.. قميصه رابط فيه بابيون.. زى الجناح وقماشه حرير.. وطفلة شعرها بضفيرة.. لسه ما تعرفش الغيرة.. ماشية مع أصحابها تحكى.. وتقول ما حد يجيب سيرة.. يتقابلوا فى المدرسة فى الحوش.. تمثال عرابى لابس طربوش.. حوالين علم نصفه الأبيض.. فيه صقر لونه أخضر منقوش.. يقفوا الطابور ويحيوا.. نشيد بلادى ما فيش زيه.. أهرامنا جنبها نهر النيل.. شجرنا هو اللى ريه.
