أنا باعترف قلبى خلاص منك قرف!.. كرهت شكلك ومشاكلك وكرهت كل الجزارين.. أنا ميت م الشقا ودايماً بسببك عليا دين.. خليكى عايشة يا حلوة ف ذكرياتى زى حماتى.. أنت اللى بسببك مراتى معيشانى ف خوف.. مأقدرش أكلك صدقينى مهما كانت الظروف.. فرخة كنتى أو لحم عجل أو لحمة خروف.. أنا باعترف إنك مليتى القلب خوف.. مع أنى كنت زمان أكيل محترف.. أصلى عارف اللى آتى وبكره كله ح يتعرف.. اتكلموا عالعدس ماله الله عليه وعلى جماله.. واللى كل م الفول يا ناس كان إيه جراله.. ده نص كيلو نعبى منه ويتغرف.. والظروف مابقتش تسمح نجيب خروف.. ومهما نصرخ معدش بيسمع ولا بيشوف.. ده حال المواطن المكافح الشريف النظيف.. اللى عاش عمره بحالة لا بيرتشى ولا يتظرف.. أنا بعترف أنا بعترف أنا بعترف أنا بعترف.. قلبى خلاص منك قرف!
القاهرة
