ثورتك نجحت إوع تغادر، احم الثورة خليك فاكر.. أعداء الثورة مش حتسيبك، دول أصحاب الطبع الغادر.. إوع تخاف من أفكارهم، إنت المؤمن ومش الكافر.. خلى خطاك دايماً سلمية، مهما ضربوا خلف الساتر.. وريت العالم إنها ثورة على الأطماع والحكم الجاير.. ولما ناديت لحماية بلدك قام الجيش وقالك حاضر.. خطط الليل خلاص انكشفت، وقدامك مرشدهم واقف حاير.. الجيش المصرى حرر سينا، وروى رمالها بالدم الطاهر..
بدأ يقضى على أوكارهم، ويقضى على الإرهاب السافر.. أما الخونة عشان أطماعهم، وقعوا صفقة للبيع الماكر.. اللى يبيع أرضه ووطنه، أصلاً خاين ولجميله ناكر.. كل همه يبنى إمارة لعشيرته ويرجعنا للزمن الغابر.. جات الثورة بانت نواياهم، كشفهم ربك وهو القادر.. الجيش والشعب الإيد واحدة، والشرطة كمان بالجهد تبادر.. يا شعب شوف أخطاء الماضى، سلامتك ميدانك إوعى تغادر.. خليك دايماً إيدى فى إيدك، ربك للحق هو الناصر.. نبنى بلدنا ونحمى حماها، ونجيب لبلدنا الخير الوافر!
مهندس
