الطريق كان حريق وشوك نابت ومتزفر.. والف عين مطلعة على المنظر وبتصور.. وبتراقب خطاوينا فى عز العتمة وبتمكر.. يا صانع المجد يا بن النيل يا عود أسمر.. قوم وخطى وعدى ميتك وانتقم واثأر.. وكلمة السر اللى تفتح لك الله أكبر... دوس على العدا وامشى واتمخطر.. واملا حضنك بأرضك فى الوادى والصحرا والبندر.. وارمى خدك على ترابها تشم ريحها تتعطر.. الله أكبر بنتنا ف حضننا وشرفنا رجعلنا أخضر.. مرفوعة راسك يا مصر بالنصر الله أكبر..
