إنتى التاريخ اللى انكتب حروفه من نور.. إنتى أم الدنيا يا بلدى ومع كل الأمم كان ليكِى دور.. سطور حضارتك بالكفاح والعرق خلاص انكتب.. كام ألف عام واحنا بنحفره بمية دهب.. بحضارة كان ليها العجب!!..
كنتى ودايماً حتفضلى إنتى الملاذ للمحرومين.. طوق النجاة للحيرانين.. حصن الأمان طول السنين.. من كتر ما سمعت كلام ما بين كده وبين كده.. دلوقتى إيه ما عرفش ليه خايف قوى بالشكل ده.. يمكن عشان الطماعين والطمعانين.. اللى بيحلموا يرجعوا للسلطة وتكون لهم من عشرات السنين..اللى ما يعرفوش غير طاعة ومعاها كلمة أمين.. اللى يوماتى بألف وش.. غدر وخيانة مكر وغش.. وبكل لون متلونين.. من حقى أخاف منهم وأكش.. بحلم يا بلدى ترجعى مصر القوية.. وتعيشى لينا وتفضلى دايما أبية.. نفضل نهتف والدنيا كلها تهتف بلادى.. تعيشى طول العمر لولادى وولاد ولادى!!
