يــــــا رب
يا رب فرج عنا اللى احنا فيه
يا رب إن كان بنا عاصى أهديه
مالناش غيرك يا رب ندعيله
وطنا مرض يا رب اشفيه.
شـــايف
رغم انعدام الرؤية شايف بصيص ضى
وشايف على المدى فارس ملثم جاى
وراه شباب مهاب ما شفت زيه زى
وصوت منادى ينادى حى على الجهاد حى.
المنيا
وحشانى يا مصر
واجمل من مصر ما فى مهما رحت وجيت
زى الحليب الصافى فيها أنا اتربيت
بين الحضارة الأصيلة والأهل والخلان
وحبيب ف قلبى زمان اشتقتله وغنيت.
الأمـــــــل
يكون الأمل بر أو بحر ملوش حدود
يكون قلعة حصينة أو جبل مهدود
يكون له شكل أو طاير زى السراب
هيفضل جوايا الأمل ممدود.
الجيزة
