ع الحلوة والمرة.. مش كنا متعاهدين.. ليه ننسى بالمرة.. عشرة بقالها سنين؟ دا المسلم والمسيحى شعب واحد.. مش شعبين.. عايشين فى وحدة قوية.. حاجة جميلة تسر العين.. السماحة فى دمنا والصراحة طبعنا.. إخوان عزاز غالين.. حبايب طول عمرنا.. جرجس وبطرس وحنا.. ومحمد ورجب وحسين.. عشنا سنين على قلب رجل واحد.. مش قلبين.. إخوة وأحباب.. الباب جنب الباب الوطن للجميع.. ولله الدين.. حبيبى يا اللى زعلان تملى.. وعايز تفرق بين حبيبين.. صعبان عليك نبقى حبايب.. وعايز تخلينا يا ناكر للجميل فريقين.. اعقل شوية وبلاش مرازية.. وخلينا بالحب عايشين.. دا المصرى شهم وأصيل.. ومافيش مكان بينا للخاينين.. تشرق تغرب تبعد تقرب.. مالكش مكان بينا.. يا أبووشين!!
مدير عام سابق
