ليه ف رابعة لزقتوا فيها؟.. هى عاجباكوا الإشارة؟.. اكتشفتوا فيها منجم أو دهب جوه المغارة؟.. ع المنصة كلامكو مرعب مين هيفهم العبارة؟.. كانت ف إيدكو لقمة حلوة عايزه جرأة ومهارة.. سبتوا مرشد للسفينة ما فى خبرة أو شطارة.. جوه مركب قال بينخر لما تغرق ميت خسارة..
كانت ف إيدك ليه بتندم؟.. تيجى متخفى ف خماره.. واللى يلبس قال بلوزة واللى جاى راكب حمارة.. والسلاح ف إيدكوا يرهب تضربوا الجيش بالإشارة.. صبرنا ما عاد له باقى واتفقعت منا المرارة.. بغد عز وملك باسط.. ترضوا قعدة ف الإشارة.. وقت جد عصام يروح والبديع يلبس خماره.. والحجازى يلم صوته.. يختفى فيلم الجسارة.. والخسارة عليك يا مصرى.. إنت هتشيل الخسارة.
