رمضان جانا عاش ويانا من كام يوم.. خاف يسألنا إيه جرالنا فى شهر الصوم.. شاف أحوالنا مش على بالنا ومشى مهموم.. كنا زمان بنقابله بفرحة كبيرة وبترحاب!.. شافنا حيارى وبندارى ف نص هدومنا.. م اللى جرالنا وعلى كتافنا شيلنا همومنا.. كان بيجينا نرحب بيه وينسينا ونفرح يومنا.. ويجمعنا ليلاتى نقوم ونصلى للوهاب!..
إيه غيرنا إيه حيرنا مين خلانا نحس بغربة.. إمتى نفوق ونحقق شىء فى حياتنا يزيدنا محبة.. ولا هتفضل كده أيامنا قاسية وصعبة.. كل ما فيها بينسينا أننا كنا فى يوم أحباب!.. إمتى نلاقى الخير حوالينا ويروق بالنا.. والأحوال تتحسن بيننا نشوف أعمالنا.. ويعود شهر الصوم يلاقينا فى أحسن حالنا.. ويجمعنا زى زمان ننوى صلاتنا للوهاب!
إسكندرية
