فى حالى وماشى على قدى.. والضحكة فى عينى وعلى خدى.. والدنيا آهى بتجيب وتودى.. واللى جاى على قد اللى رايح.. لا فى جيبى جنيه ولا فى يدى.. ولا أملك حاجة غير كدى.. وبأميل للريح هه لما تعدى.. وأنا قلبى تملى مسامح.. أتعشى من الموجود عندى.. لقمة مع جبنة قريش بلدى.. وأنام ومخدتى يدى وزندى.. ولا أفكر فى ليلة إمبارح.. أصحا والفجرية بتندى.. أصلى وباسمه أستهدى.. يارب بارك يارب إهدى.. وأتوكل عليه وأنا سارح!
العريش - المساعيد - بجوار مدرسة الفيروز
