الغلاء سوس بينخر فى الفقير.. خلا طعم الزاد مرير.. خلا مبصر يمشى أعمى.. خلا نوم العين يطير.. نمشى تايهين ليل نهار.. شايلين هموم زى الحمير.. كيلو سكر خمسة جنيه.. عايزة الطماطم مال وفير.. لما ابنى يقول يا بابا.. لحم إيه يعنى وفطير؟!.. شفت تفاحة ف كتابى.. قالوا بتفيد فى العصير.. إمتى يابا راح تجيبها؟.. ولاَّ حلمى دا شىء خطير؟.. قلت ناكل بس عيش.. ونلقى مية جوا زير.. زى بنتى فى عيد ميلادها.. قالت نفسى فى توب حرير.. رحت حاسس إنى عاجز.. مربوط بقيد زى الأسير.. رحت مدبوح جوا نفسى.. ودمع قلبى بدأ يسير.. قلت لو كان فيه معايا.. كنت جبتلهم كتير.. بس سعر العيشة نار.. والدخل ريش والإيد قصير.. والغلاء دا غول بينهش.. حتى حلم ابنى الصغير.
