مستحيل إن علمك يوم يميل.. مستحيل قلبى منك ف يوم يشيل.. مستحيل نصرك يكون من غير دليل.. إنت مش بس أرضى ولا عرضى.. إنما.. إنت أجمل قصة وحكاية وملحمة.. إذا كان ف الدنيا ضوء.. تبقى إنت شعاع الشروق.. إذا كان فى الدنيا حب.. كنتى أجمل نبض قلب.. إذا كان للدنيا معانى.. كنت إنت كل الأمانى.. يا بلادى.. يا بلادى افرحى والبسى توب الورود.. ده نصر أكتوبر قرب من تانى يعود.. دا بالعبور ماعادشى فيه تانى سدود.. ما عادشى فيه بارليف.. ما عادشى فيه أسطورة.. دا ولادك أهم رسمولك بأكتوبر أجمل صورة.. وحياة رملك وترابك.. وحياة نيلك وقناتك.. بحياتى وعمرى أفديكى.. وتكونى دايماً.. منصورة.. يا بلادى يا أجمل نشيد.. أهه جالك يوم العيد.. أكتوبر جاى ومعاه أجمل غنوة وحدوتة.. نحكيها جيل ورا جيل نغنيها من غير نوتة.
محاسب
