ظالمينك يا بلدى ظالمينك ظالمينك ومين فينا بيحاميلك.. العيب فينا وبرضو بنهينك مع إننا شاربين من نيلك.. ظلمنا حضارتك وصناعتك ونيلك والشاعر المبجل راح يهينك.. مين اللى نشر الفقر والجهل فى ميادينك وطفى بظلمه قناديلك.. ومين اللى خلّى شعبك يخاف يشكيلك وخلّى ابنك يهجرك ويسيبك.. ومين اللى خلى الهم يصيبك وخلى السواد والظلم نصيبك.. ظالمينك يا بلدى ظلمينك.. كنت بلد الحضارات والصناعات وبقيت بلد الإضرابات والاعتصامات.. وفى كل بيت بنسمع عياط وآهات من مال مهدور وسط الثريات.. وناس بتشقى من غير تشكّرات وناس مرتاحة تملك حصانات.. وناس تهجرك وترجع تطالب بالتغيرات طب هما شافوا بنفسهم الآهات.. وناس همها تدخل الصراعات ونسيوا جيل الانتصارات..
