أنا محتار عين ف الجنة وعين ف النار.. رافض أكون ف الدنيا حمار.. أكلت عيالى حلال فى حلال.. وعشت وراضى محروم م المال.. لحد ما ابنى سألنى سؤال.. إنت يا بابا مش عندك مال.. ولا إنت فقير على قد الحال.. جرحنى ف قلبى وجرحه مرار.. وحسيت إنه كوانى بنار.. وليه فيه ناس ف الهنا عايشين.. دول نوع تانى م البنى آدمين.. وأنا تعبان مش عارف أحسبها.. عشت كارهها ولا حاببها.. ودى ماشية شمال دى ولاّ يمين.. وأنا حياتى كلها بالدين. ولا عمرى قبلت أنا قرش حرام.. ويادوب باصلى العشا وبانام.. زى المحكوم عليهم بالإعدام.. وأعمى وكل الناس شايفين.. وأسأل وكل الناس عارفين.. وادعوا معايا ع اللى ظلمنى وقولوا آمين.
