بالقرفة عملت الشاى وشربتو.. نشطنى وخلانى هاى لو شوفتو.. إنشالله حاجرب بالجنزبيل.. واعزمكو تتبسطوا إن جربتو.. وعجبى!!.. جربتوا تشربوا قهوة بالحبهان.. بشرط ماتزودوش عن فنجان.. وياريتكو تبطلو ماتلاقوا بديل.. بلا تايين ولا كافيين ولا دخان.. وعجبى!!.. حمية بمعسل أو تمباك.. تلوث صدرك وتجيب الهلاك.. تضعف القلب تهد الحيل.. عمرك بتحوش جواك عياك.. وعجبى!!.. والسيجار والسجاير مصيبة تقيلة.. محروقات والعوادم زى النيلة.. والله العظيم تلاتة تموت الفيل.. وتقصر لكو الأعمار الطويلة.. وعجبى!!.. وأدهى داهية كيوف المخدرات.. مص وشم وحقن محرمات.. بياع وسخ وإلا وسخ منو عميل.. مش كفاية عليهم محاكم جنايات.. وعجبى!!
بالمعاش
