إيه يا شعب؟ ماذا بعد؟.. فى حد جاى وشه سعد.. ولا ربنا هيبارك.. ولسه فى هات وخد.. وبرده عادى أبيع ولادى.. بأى تمن ولأى حد.. لحد إمتى هتقول لسه؟.. عايزين نبقى شوية جد.. ليه بينا وبين الشجاعة.. بإيدينا بنينا سد.. إيه يا شعب؟ ماذا بعد؟.. كل يوم أخبار فى جرايد.. إن اللى جاى جمال مبارك.. الله يعيد ويزيد ويبارك.. خليك جرىء وبرأيك شارك.. إوعاك تخاف من أى حد.. إيه يا شعب ماذا بعد؟.. عايزين نهد سور الجبن.. ونبنى سور اسمه الشجاعة.. وناخد حقنة جامدة موت.. تبقى ضد الجبن مناعة.. عايزين نبقى شوية جد.. إيه يا شعب؟ ماذا بعد؟.. كفاية بس رغيف العيش.. كفاية مش عارفين نعيش.. عجبك خد مش عجبك.. خلاص ما تشتريش.. ولو معاك أيوة زيادة.. اتبرع بيهم بقشيش.. إيه يا شعب؟ ماذا بعد؟.. هنروح ليه بس بعيد.. شوفت حادثة الصعيد؟.. شوفت كام واحد مات؟.. واحنا بره تحت التهديد.. مش هنفضل نعيد ونزيد.. شد حيلك يلا شد.. إيه يا شعب؟ ماذا بعد؟
