شعب قوته مش فى إيده منين هيطلعله نهار؟.. كأنه حارب مش بإيده منين يجيله الانتصار؟.. نبقى طوع فى إيد عدو كله همه يجور علينا.. نبقى ورده فى وسط ريح شوكنا يرد يصد فينا.. إحنا أمة عرفنا نزرع من عصور أحمس ومينا.. الحيطان والبرادى شاهد على عظمة فلاحينا.. بقينا نحلم بالأونطة مرة توشكى ومرة سينا!..
بقينا نقلع مش بنزرع مرة تت ومرة دينا!.. بكلمة منهم يقهرونا.. هما أسياد فوقينا؟.. صدقونى اقتصادنا طوق نجاتنا.. بإيدنا نصنع حاجاتنا.. يلا يا ابن المصرى ثور ثورتك بخشب ومونا.. يلا رجع ذكرياتك وارحمونا من المعونة.
