هاتلى صورة فيها ضحكة من كل صغير وكبير.. وعيال بتلعب فى شارع وشجر مليان عصافير.. هاتلى حتة من بلادى، أصلى خايف اصحى فى يوم ملقيش ارضى تحتى.. ويقولولى أنت مجنون.. هاتلى شوية مية من نيلنا بتاع زمان.. أصل قالولى إن بكره هيخلص.. وخايف ليفوت الأوان.. وملحقش أشرب كمان.. هاتلى حربة معاها شوية مسامير.. اسبتها جوه قلبى لحسن تسبنى وتطير.. هاتلى قوة من قلوب كل الشباب.. هاتلى صوت بيقول لأ لأ للفساد.. امتى امتى هنشيل الضباب.. امتى هنشيل الغيوم.. امتى هنقول للطغاة أنا مش ساكت مش مكتوم.. هاتلى صحوة هاتلى صرخة.. بتقول يلا قوم ايدى فى ايدك يا ابن بلدى من دلوقتى وكل يوم.. هاخذ حقى وحقك وحق كل مظلوم!
