كل فكرة بتتولد.. بتكون ضحية للفساد.. كل صرخة عايزة تعلا.. بتنتهى دايما سكات.. والشباب عمالة تهرب.. تدفن الحلم اللى مات.. النهارده زى بكرة.. زى اليوم اللى فات.. قطر بيضل الطريق.. عبّارة ألفين غريق.. ماتو فيهم الغلابة.. من غير لحظة حداد.. شفت أخويا وشفت خالى.. بيشربوا مية مجارى.. لما بسأل ليه يا خالى.. بيقولولى السقا مات.. النهارده زى بكرة.. زى اليوم اللى فات.. شاب فى المدينة ضايع.. مهنته الأخ صايع.. قلت يمكن مش مثقف.. قالو دا خريج لغات.. شفت أطفال فى الشوارع.. اللى عريان واللى جايع.. واللى ما له تاريخ ميلاد.. شفت أعضاء فى المجالس.. مهنته الأخ جالس.. يوم يسقف يوم ينام.. يوم موافق والسلام.. المهم الحصانة والشيكات!!.. النهارده زى بكرة زى اليوم اللى فات!!
