من شباب مصرى أصيل.. شرب من مية النيل.. واتربى فى حضنك الدافى.. وجالك يرد الجميل.. جينا من كل مكان.. يا بلد أهالينا وأجدادنا.. وهيشهد علينا الزمان إننا بنحب يا بلدنا.. وزى ما ولادك حفظوكى لينا.. لازم نصونك لولادنا.. جينا نحضن رمل الصحرا.. جينا نتعلم الجندية.. جينا نحيى الراية العالية.. جينا نقدم روحنا هدية.. لولا كفاح رجال بتحبك.. ما كنا كبرنا ولا شفنا النور.. اللى دمهم روى أراضيكى.. وتركوا لينا طريق مستور.. وبسواعدهم كسروا قيودك.. وعمروا فى الأرض البور.. وقت السلم هنبقى جنود.. وقت الشدة هنبقى أسود.. أطبا تعالج كل جريح.. ومهندسين راح تبنى سدود.. وعلوم كيميا تعبى ذخيرة.. وتفجر كل طريق مسدود.. الله أكبر هى سلاحنا.. وفى عقولنا سر نجاحنا.. وفى طاعتنا لكل القادة.. وفى سواعدنا طريق لفلاحنا.. دومتى زعيمة الوطن العربى.. حامية ولادك هامتك عالية.. كنانة فى أرض الله الواسعة.. دومتى يا حلوة حرة وغالية.
طبيب
المملكة العربية السعودية
