الطريق كان حريق وشوك نابت ومتزفر.. عدو غاصب ومغرور ومتشيطن ومتكبر.. يا صانع المجد يابن النيل يا عود أسمر.. قوم وخطى وعدى ميتك وانتقم واثأر.. وكلمة السر اللى تفتح لك الله أكبر.. الله أكبر بنتنا فى حضننا وشرفنا رجعلنا أخضر.. مرفوعة راسك يا مصر بالنصر الله أكبر.. فاكر يا أكتوبر من سنين كان إيه حصل.. قابلت رمضان زمان يوم الميزان ما اتعدل.. يوم الشفا يوم ما جرحنا طاب واندمل.. بدم الرجال فى الرمال طرح كرامة وأمل.. وألف رحمة وسلام لروح الشهيد والبطل.. ولكل صاحب عزيمة وكل من قال بالعمل.. إن النهار بكره جاى ولابد لليل من أجل.
الإسكندرية
