فى العاشر من رمضان ما بين الساعة يا دوب اتنين.. يوم ستة أكتوبر طيران مصرى عدده فوق المتين.. وبسرعة الذاكرة منتبهة.. ده طريقها يودى على الجبهة.. يبقى أكيد علشان أقسمنا.. ناخد تار سبعة وستين.. «فجأة لقيت الناس زغاريد.. وتقول ربك لما يريد.. واقفة بره المسجد تدعى.. عقبال تحريرنا فلسطين.. والناس القاعدة على القهوة.. بصيت ولقيتها على سهوة.. قالت «عبرنا القناة».. وتغنى يا صلاة الزين.. علوا الراديو على الآخر.. والمذيع من العدو راح ساخر.. كان بيقول جيشه لا يُقهر دلوقت يا عينى مسكين.
