ماشى فى حاله فى أمان الله كله تمام وبطاقته معاه.. وفجأة سمع صوت حاجة بتطرقع أتارى اللى بيطرقع ده قفاه.. الناس اتلموا يشوفوا فى إيه!.. قال عادى ده ظابط اللى لسعنى هو إنتوا اتلميتوا كده ليه!.. ده قفا صغير وإيه يعنى؟.. قالوله متأكد إن الضابط جه بنفسه على قفاك لزقك!.. يا سيدى يا بختك إنه مجاش المخبر رزعك.. ده إنت تبوس على رجل الضابط وتروح تجرى وتحمد ربك.. بس إنت مقولتش عملت إيه؟.. وقفاك رن الرنة دى ليه.. قال والله مالباب للطاق ضربنى.. وضربه ما ينطاق وقفايا ده يشهد عليه.. بس غريبة أنا ليه زعلان.. وعامللى هوليلة وحكاية منا واخد على إنى أتهان.. والضابط يلسع فى قفايا.. ويا وقعة هباب ده أنا أعيش فى عذاب.. لو مرة واحدة قولت كفاية!!
كلية الحقوق
