سألت الناس عن بلد فيها الخير لأولادها.. رد وقال الولد هنا الخير لأسيادها.. ليه يا بلدى كده ده إحنا خلاص بنموت.. ونسيتى مين الفراعنة ده إحنا أحفادها.. مات الشهيد للوطن ونسيتى أمجادها.. حتى كمان الغاز اتباع لأعدائها.. والكهرباء اتقطعت وعيشنا فى سوادها.. وكل يوم تصاريح وأنا مش مصدقها.. صابر ياربى وراضى وبموت خلاص فى بلادى.. والمسؤولون فى مارينا وشويه فى النادى.. مين اللى سرقك مين؟ تعبت من التفكير.. نفسى أسمع إجابة نفسى أنام هادى.. سرقوا كمان اللوحة من متحفك يا خليل.. فاكرنا شعب هنود والكل راكب الفيل.. من كتر حبى فيكى ممكن أقول مواويل.. يارب صبرنا ده شعب مصر أصيل.
