سرك فى بير يا كبير، ماتخفش مش متذاع.. هبل وعبط واترسم، وغنى لحن وداع.. واضرب صاروخ فى السد عشش، واضرب جوان وبتاع.. وارسل مخابراتك، واغزل مؤامراتك، وارجع على مراتك، فارس أمير وشجاع.. أصل الهبل ليه ناس، والخيانة أساس، واهو كلكم شلة بايعين وطن متباع..
وقولى آسفة يا بيكو، ملحقتش أخبركم.. إن اللقاء بيكو خلا الجميع شافكم.. وخلا الكبير فيكو يتشفى ويخونكم.. ده بس كل الناس.. م الكونغو من تكساس.. م الحبشة من كراكاس.. من كل بلد انداس.. هى اللى شافتكم! بالذمة دى نخبة، ورياسة منتخبة عايشة فى وهم صباع.. عيشتوا فى وهم أسير القمة، وانتوا القاع! سرك فى بير يا كبير، ماتخفش كله اتذاع!
