خطاب بجد خطير فى حضور المحظورين.. هيساهم بشكل كبير فى نزولنا يوم تلاتين.. شكراً يا ريس ده إضافة لإنجازاتك.. خطاب بجد كويس عرفنا فيه قدراتك.. من حقك تبقى زعيم لثورة يوم تلاتين.. زى ما كنت زعيم فى يناير للملايين.. خطاب مفهش عشيرتك وقصير مش طويل.. شفنا فيه شهامتك وسمعنا فيه مواويل.. صوتك بجد يشجى، وصحتك كمان تمام.. واقف ساعات بتشجى والحضور يقولوا يا سلام.. بتخطب متأخر والناس نيام..
لكن الحضور كانوا آخر محبة وانسجام.. وكل ما تسكت لحظة يقولوا يا ريس قول كمان.. وبعد الخطاب بلحظة شالوا صورك م الميدان.. الله عليك يا مرسى يا عدو الأمريكان.. يا قاهر كل كرسى فى حماس أو إيران.. يا هادم سور قصرك يا حاسس بالأمان..
يا داعم اللى نصرك، امتى هتنزل الميدان؟.. مقدرش أقول فى خطابك غير الله عليك.. دعمك لشباب تمرد صعب أنساه أنا ليك.. كتير قرر يتمرد من أجل خطاب معاليك!!
