على قد حبى يا بلد من قلبى أدعيلك.. يمد ربى فى عمرى وأشوفك تسبقى جيلك.. وانت أم البلاد يا مصر بأهرامك وبنيلك.. ست البلاد يا حلوة عايز أسمع مواويلك.. عايز اسمع بشاير الخير من تانى تغنيلك.. يا أصل كل الحضارة وحشنى صوتك وترتيلك.. دعا العباد والولاد فى قرآنك وإنجيلك.. وصوت الأدان الله أكبر.. بكره يجى الفرج وتنور قناديلك.. كل الكلام لو قلته مش هيوفى بجميلك.. عقد المحبة نظمته من قلبى أغنيلك.. أضحى بعمرى وبروحى فى سبيلك.. من كل قلبى يا بلدى بالحب أدعيلك.. وأنادى كل البشر للشرب من نيلك.. أصل المياه حياة موجودة فى سبيلك.. نعمة من الخلاق يا مشتاق أناديلك.. تسقى ولادك حنان من شطك ومن نيلك.. من كل حبة رمل ونقطة لشهيد فى سبيلك.. يحق يوم العيد وكل شهيد فى الجنة يناديلك.. خيرك لولدك مش للى ينكرو «جميلك».. يبيعيو أرضك عيب ويشردوا جيلك.. راحت ليالى الأمل وبكره هتجيلك.
