أنا متمرد على حكم الهوى لمرسى وع الإخوان.. أنا متمرد على المرشد وع الخايب وع العريان.. أنا متمرد على النهضة.. وع الشورى اللى مش نهضة.. وع النايب وع القهرة.. وع الوزرا وع السجان.. أنا متمرد على الظالمين فى كل زمان..أنا إنسان..ومن حقى أقول لأ على الطغيان..وأتمرد على كل اللى يتجرد من الرحمة كما الحيوان.. يبيع لأهله لأنه جبان..أنا متمرد على الزوار..فى ساعة الفجر للأحرار.. وللأطفال وحرمة دار..بحجة إنهم ثوار.. وترويعهم وتعذيبهم وكسر العين غراب البين..عامل مسلم وراكبه العار.. ومتأسلم وهو حمار.. هيفهم ليه؟ مدام البغـل بيفكر..يفكر ليه؟..ينفذ أمر سيد سيده ويشوف بعنيه وهو إيديه.. يعيش إخوان.. يموت إخوان، ويدخل جنة الإخوان.. كأن الدين مالوش ديان ّ.. عشان إخوان.. سعادة البيه أنا متمرد على السمع وعلى الطاعة لغير الله.. وأرفض مين يفكر لى ويختار لى كتاب أقراه.. وأسمع لأمى وأبويا وأبوس الإيد فى يوم العيد.. وأسبح وأحمد الرحمن، وبدعى له فى عرش علاه !
الزقازيق - الشرقية
