فى الفصل ليه المدرس.. مش راضى يشرح كويس.. وأبو العيال مفلس.. يدفع له فى الدرس كام.. ده زى ما تقول كابوس.. بيموت فى جمع الفلوس.. فى المجموعات والدروس.. شغال تمام التمام.. احنا بقينا ضحية.. ويقولوا فيه مجانية.. دفعنا كل الماهية.. واحنا نوينا الصيام.. أولادنا ازاى هاتفلح.. ازاى هاتفهم وتنجح.. ومافيش مدرس بيشرح.. ومافيش كمان اهتمام.. العلم أصبح تجارة.. وهو من غير إعارة.. بيبنى أكبر عمارة.. واحنا نشد الحزام.. مصاريفه ازاى نجيبها.. الأم باعت دهبها.. والأب سافر وسابها.. ويزورها كل عام.. إيه ذنب كل الغلابة.. بسأل وفين الإجابة.. ليه احنا عايشين فى غابة.. ولا حد بيقول حرام
