أكدب لو قلت بأذاكر من كتب الوزارة.. أو حتى معايا أخد دروس خصوصية.. همَّا أوراقى وقلمى وحبارة.. وبأشترى كتب خارجية.. عشان بتعلمنى وبلاقى فيها حاجتى.. أما المدرسة فبتظلمنى وبتضيع وقتى.. بروح أثبت حضور وأتجنب الغياب.. والصبح أقف طابور وأحضر حصص الألعاب.. ومجال زراعى وصناعى وإزاى أعمل مربى.. وأحافظ على الديسك بتاعى وإزاى أركّب له ضبة.. أما المواد الأساسية فالعملية صعبة شوية.. فبشترى كتب من بره عشان تسهلها عليا.. ولما منعوا بيع الكتب الخارجية.. والتجار غلوها علىّ.. قلت يا واد استعمل كتب الوزارة واتهدا.. وما عدتش تانى تقطعها وتفرش عليها الغدا.
