متسألـش
بتسـأل ليه عن دينى وهيفرق إيه وياك
هو إنت راح تحاسـبنى وتخدنى الجنـة معــاك
م كفايـــة أقولك مصرى طبعنا واحد وبجد
ف الدنيا نساعد بعض ف الأخرة حسابنا هناك!!
سحر مصر
عاشق ترابك يا مصر دايب فى دباديبك
وتملى صبح وعصر لابـد فى لباليبك
نيلك وليلك سحر مينكرهوش إنسان
يا محروسة ومهد للأديان الكل مجاذيبك!!
كوســـــة
قالوا عليكى يا مصر بلد الخيار والكوسة
واخدة الصدارة ف زرعهم م العين محروسة
وبتستخدميهم بشكل حيرتى بيه العالـم
لو صبحوا يوم للأكل ليكى منى 100 بوسة!!
بتمنى
نفسى نكون إيــد واحدة ونحس ببعض
بتمنى نخلص ونعرق لبلدنا نوفى العهد
وساعتها صوت الأغانى الحلوة هيلعلع
ويومها راح نعلى تانى ولا حد يظلم حد
القاهرة
