إزاى
إزاى بتشتكى وانت كلك عيوب
وتسابق الريح فى وقـت الهبوب
خليك حليم وانسى الخصام والزعـل
أصل الكفن يا حبيبى من غير جيـوب!!
م / منصور عبدالعال عبدالله
الحدائق المركزية - الإسكندرية
سـبحانك
الأرض واحدة وتطرح الحلو والمالح
والبطن واحدة وتولد فاسد وصالح
دنيا عجيبة .. سبحانك يا ربى
ضوء النهار يطلع من ضلمة إمبارح!!
حسين عبدالكريم الأنصارى - قنا
لو مالت
مصر مش حيطان ومبانى
مصر الصانع والبانى
فلو مالت ماتشـتمهاش
مش برضه إنت البانى؟!
بهاء الدين حسن
تسميم طلبة الأزهر
إلهى يا رب إن كان مقصود ومتدبر
تسميم إخوتنا طلبة جامعة الأزهر
انتقم من كل من له يد فى الموضوع
واجعله عايش حياته مهمـوم ومتكـدر!!
رامى زين
