تحية للمكن اللى داير.. ودم العزيمة اللى فاير.. والناس العرقانين.. مهندسين لينا تخطط والفلاحين الشقيانين.. واللى راسم خط ساير.. للهدف حالف يمين.. مصر رايحة تبقى جنة لما نصبح مخلصين.. ألفين تحية للى عمّر.. شد مئزر قام وشمر.. خلا المكن يزعق يزمر.. دا الكسل يهدم يدمر.. عاشوا عبيد الكسلانين..
مصر بجهود الولاد.. تبنى قصر المجد تاج.. نقطف ونجنى ثمار نتاج.. وشرف العمل فوق الجبين.. تحية للناس اللى غايبة.. اللى تحت الشمس دايبة.. لونها سمر.. ميهمهاش جو الحرارة.. ليل نهار.. تبنى مجد وإزدهار.. طاقة جواهم حديد.. كل ما الإنتاج يزيد.. عزيمة بتولع شرارة.. إيد بتغزل توب حضارة.. بالمهارة وبالجدارة.. نبقى بالتأكيد صدارة.. حلمنا يصبح يقين.. تحية للى بانى عقول رجال.. واللى زارع فى الرمال.. واللى بيشق الجبال.. والمصانع والورادى السهرانين.. تحية للمكن اللى داير.. وللناس العرقانين.
سوهاج - طهطا
