بتمدوا إيديكو فى إيدين مين.. ما تفوقوا يا بنى آدمين.. دا ناس لا لها عهد ولا دين.. إوعوا تكونوا ناسيين.. شهدا الأيام وشهدا السنين.. خليكوا ديما فاكرين.. بيت لحم ودير ياسين.. كانوا على الدم ماشيين.. وآدى فى غزة مكملين.. لا طفل ولا شيخ راحمين.. وإحنا لسه بنعمل اجتماعات.. وبنمضى معاهم اتفاقيات.. كأنى اللى فات فات.. واللى فات خلاص مات.. بتمر الأيام وتمر الساعات.. وتتحول قلوبنا مجرد آلات.. نسينا حلم عرفات.. نسينا كل الأموات.. عرفوا إزاى يسكتونا.. يخرصونا ويكتمونا.. وبفلوسهم يشترونا.. ولو صرخنا يعلقونا.. ولو قلنا يضربونا.. عرفوا إزاى يفرقونا.
