كنا زمان عايشين وكان أى شىء بيرضينا.. وجه زمان بعد الزمان غيّر حاجات حلوة فينا.. لمتنا ع الطبلية وشوية فول وقرصين طعمية.. وساعات نديها بصل وشوية مش وطحينة. وشوية ميه م القلة وعيش طازة من الغلة.. ورزق أبويا البسيط كان يشبعنا يكفينا.. والجرح الكبير الحب لوحده كان يداوينا.. كانت أحلامنا ضيقة ومحندقة وراضيين.. وأبويا كان شبعان شقا وإحنا معاه صابرين.. كان سهل الحلم ويتحقق مفيش حد بيدقق.. ويفتش عليك ويسألك كمان أبوك كان مين.. دى كانت عيشتنا ساعتها وعارف بإيه حاسين.. حاسين إن إحنا فى وطن وإن احنا بنى آدمين.. دى كانت زمان مصرنا لما كنا لسه مصريين.
