مش دايماً تعترض.. وانت صاحب القرار.. مش دايماً تتظلم.. ومتحسش بانكسار.. أهى دنيا وماشية بينا.. وكأننا فوق سفينة.. لا محددين طرقنا.. ولا عارفين المسار.. الحق أهو ضاع ما بينا.. وانت ليه بتنيمنا.. وياما تقول مسامح.. يا تاخده بالدراع.. مش لما تقول ده ظالم.. عينيك هتشوف نهار.. الشمس وراها ياما.. إحنا شوية لمامة.. محلتناش غير علامنا.. والضحك والهزار.. عايزنها تكون قضية.. ونشيلها بمسؤولية.. وكلامنا يبقي جارح.. ونحطم الجدار!.. مهى دى مش مسرحية.. فيها مليون ضحية.. والكل فيها سامع.. لصاحب القرار.. نرفضها هى هى.. إحنا محناش هفية.. إحنا هننهي الحكاية.. وهنزل الستار.. مش دايماً تعترض.. وانت صاحب القرار!!
