يا جناب وزير المالية.. ما فاضلشى حاجة عليه.. إلا بقى الجلابية.. تاخد عليها ضرايب؟.. ولا تاخدها هيه.. وملابسى الداخلية؟.. وإن كان عليك دا شوية.. خد شعر راسى الشايب!!.. سافرت بره وجيت.. وجبت «قرش» بنيت.. ف بلدنا يا دوب بيت.. لىّ ولعيالى.. تاخد عليه ليه مال؟.. بكفاية بقى إذلال.. وحرام ده ولا حلال؟.. جاوب على سؤالى.. «مين شار» يا غالى عليك.. بكدا وغمى عينيك؟.. وهو ده حايخليك.. فى «الكرسى» متسمر؟.. لا ده فى القرآن.. ولا فى الإنجيل كمان.. ولا حد بقى م الآن.. راح يبنى ويعمر!.. البيت حابيعه خلاص.. بتمن رخيص يا ناس.. وحاعيش بقى- لا مناص- بعيالى فى الشارع!.. هل ده بقى يرضيك؟.. كرهت ناسك فيك.. وبيصرخوا حواليك.. ولا انت مش سامع؟.
