خلى لسانكْ جُوه فِ حَلقك اسكت اسكتْ اقفلْ بُقَكْ
إوعى تكشفْ أى مخالفة وإن صرحْتْ استَحْمِْل ذنبكْ
الكلمة إتْخنقتْ بَعْد الثوَرْة إوعى تطالب حتى بحقك
إوعى تفكر تعمل صحفى الكلمة الحرة ما هيش ملكك
إوعى تفكر تبقى مُذيع تسخر من حد كبير فى برنامجك
أو تقول للغُولة عينكْ حَمراَ لو قلت هتسعى إنت لحتفك
إوعى تخالف رجالة سلطة شايفين رأى أحسن من رأيك
غيرك جادلوا وقالوا الكلمة صاروا شهدا هناك من أجلكْ
إياك تذكر كلمة حقْ نايب السلطة ح يزعل منكْ
ضبط واحضار دايماً جاهز أمْنُهُ فى لحظة متربص لكْ
ولو هتعارض مرة بجد حضرْ فوراً شنطة سجنكْ
اسكت اسكت أحسن لك ابلع صمتك واكتم نَفَسكْ
اصبر واستنى الأيام الجاية قريب الفرج جاى من ربك
نهاية الظالم دايماً معروفة وساعتها ييجى حقى وحقكْ
