مش حرام اللى بيحصل.. دمى ينزل.. وانت تضحك لما تقتل!.. دانت حتى معرى وشك!.. فاجر.. تقلع العين ويا عمرى. وانت ساخر!.. إيه حكايتك.. يعنى مش هايب نهايتك.. ولا مش خايف أقاتلك.. أو أحاسبك.. نفسى أعرف فين بلادك واللى جابك.. مين دفعلك!.. إنت مجرم أيوه مجرم.. بس باين.. أما هوه!..
هوه كل الجبن كله.. وكل خاين! هوه عبد لكل فاجر كل ظالم.. هوه عارف مين زعيمه.. مين عدوه ومين حميمه اللى مش هيكونله دايم... وهوه خايف من نهايته.. أيوه خايف.. هوه خايف م التاريخ الكل شايف.. أيوه خايف.. جد خايف.. كنت باتمنى يقوللى.. مرة واحدة.. بأنه راجل.. مرة واحدة فى عمرى كله.. يبانلى فيها مرة راجل.. لما يبقى بحق راجل.. وابتلاه الله بذنبه.. كان لكل الكون هيشهد.. إنه خان عرضه وبلاده.. وأنه باع حتى ف ولاده.. وإنه سفاح الجرايم.. وإنه عهد الظلم كله وكل قاتل!
