كان كالأسد فى الميدان واقف كما الجندى.. مصرى بصحيح لا هو إيرانى ولا هندى.. عينى عليك يا بطل يا عضو فى التيار.. بحسن نية جرفك التيار.. يا ميت خسارة على الولد.. كان لسه بدر بيتولد.. أمه عليه بتتسند.. كان للميدان نظرة ومدد.. نمنا.. صحينا لقينا الثورة مسروقة.. وبالقنابل لقينا الدنيا محروقة..
طلع الشباب موجة ورا موجة.. عرف الشباب إن الأرض معووجة.. مطب طالع ونازل.. زهرة شبابكم مات.. الخنقة فى صدوركم.. طلعوها آهات.. آهات.. عينى عليه الولد يا حرقة أمه عليه.. قوم يا ولد شيل البلد.. قوم يا حبيبى ما تنكسر ولا تنحسر.. روحك تضلل على الميدان.. هنعدى كل الحواجز.. متهمناش البيبان.. باب ويا باب هينكسر.. وتنور كل الميدان.
