يا فكر أعمى وعقل موتور يا قلب اسود وجسد عليل
كفاية ضلمة وعيشوا فى النور وأفعالكم سيئة ملهاش دليل
لسه خارجين من الجحور أفكاركم كلها غش وتضليل
نسينا خلاص «الرضا والنور» وراجعين تنقبوا تانى التماثيل
«دليلى احتار» مع الأفكار و«سهران لوحدى» أفكر فيك
إحنا بقينا خلاص كفار و«أهل الهوى» جداد عليك
ما كنا عايشين سوا بالنهار و«اسأل روحك» الله يخليك
ليه بتولع البلد بالنار ده «فات الميعاد» ربنا يهديك
فنانة رحلت «بعيد عنك» انت فين وفين زمانها
«أروح لمين» اشتكى منك و«لسه فاكر» دلوقتى تنقبها
بدل ما ترجع تجدد حبك وتعيد «الأمل» وتحفظ تراثها
«طوف وشوف» بلاد جنبك بتصون كرامتها وتردد كلامها
«للصبر حدود» على الأشرار وبلاش «حيرت قلبى» معاك
محتاجين للجد مش للهزار و«الحب كده» مش نواياك
و«حسيبك للزمن» ومفيش أعذار واكسر «الأطلال» اللى جواك
والحق هيرجع والزمن دوار وبكره تشوف و«غداً ألقاك»
القاهرة الجديدة
