الحكاية.. دى حكايتى.. البداية.. لحظة ولادتى.. اتخلق جوايا قلب.. اتولد ويايا حب.. حب غير حب أمى.. حب غير حب أبويا.. مش قريبى ولا هوه منى.. بس عندى هوه أخويا.. زى أمه عند أمى.. زى أبوه عند أبويا.. كنا فعلاً زى عيلة.. الحياة كانت جميلة.. فى الدراسة كنا دايماً جنب جنب.. للشقاوة ياما كلنا أحلى ضرب.. ومكنتش تكمل فرحتى إلا بيه.. ولا كانت تنزل دمعته غير علىّ.. وإن أى حد بص له أو شاف عينيه.. كان بيعرف منهم إيه اللى بىّ.. أيوه فعلاً.. كنا دايماً.. زى واحد.. قلب واحد.. حلم واحد.. رب واحد.. بس دينا.. مكنش واحد!
