آدينا ف دنيا خلطبيطة.. ما تعرفشى مين من مين.. كعابيل بعقدة وشنيطة.. كفار تقول مسلمين.. الكل مربى دقون.. لازم نكون مختلفين.. ويبقى الدين المعاملة.. شوفوا التيس دقنه شبرين.. ومراته عاملة ميت عملة.. النبى عليا استنوا.. حاخامات. قساوسة. مشايخ.. بدقون عادى مسرحين.. إوعوا تقولوا كلام بايخ.. عشان صحيح متشابهين.. مع اللى طالعين بيغنوا.. وتلتين الممثلين.. عاملين م الدقن ستارة.. ليلاتى سكارى وسهرانين.. فى ماخور ولا ف خمارة.. كمان البياض بيحنوا.. الإسلام مش منظرة.. كما قال رب العالمين.. م الكافرين كان عنترة.. شاعر فارس م المجيدين.. ملتحى اتعلموا منه.. كل فنون إلا الدين.. عشت كتير وادينى حافظ.. العدلين والعوجين.. أصلها سعد الملافظ.. بلاش الجدل واتكنوا!!
المكس
