ليه بتعذبينى ليه.. ليه بتغربينى ليه.. هو أنا مش برضه ابنك.. هو أنا مش حته منك.. هو أنا مش ذى غيرى.. واللى ماده اديكى ليه.. ليه وأنا على حد علمى.. إنك الحصن المنيع.. ليه يضيع جواكى حلمى.. وانكسر واهرب واضيع.. ليه بترضى الذل ليه.. واللى خانك تحضنيه.. هو أنا مش برضه ابنك.. هو أنا مش حته منك.. هو أنا مش ذى غيرى.. واللى ماده اديكى ليه.. بعتذر لو كنت قاسى.. الشجر من حقه يطرح.. والغريق غير اللى راسى.. والطبيب مضطر يجرح.. وانتى امتى تكونى أمى؟.. مش كلام بتغنى بيه.. هو أنا مش برضه ابنك.. هو أنا مش حته منك.. هو أنا مش ذى غيرى.. واللى مادة اديكى ليه.
عضو جمعية المؤلفين والملحنين الفرنسية المصرية
