فى يوم عيدك.. بإيه يا أمى أهاديكى.. أنا منك أنا ليكى أنا ببعد وأرجعلك.. بلاقى الراحة فى حجرك.. وبشتقلك وأنا جنبك.. وأشم العطر فى صدرك.. بموت فيكى.. وأنا مرتاحة ف حضنك.. ألاقى قلبى يناجيكى.. بحب كل ما فيكى.. وبإيدكى تضمينى.. وأشوف الحب فى عنيكى.. بإيه يا أمى أهاديكى!.. لو أفرح تفرحى معايا.. وتبقى لفرحى فرحانة.. لو أسكت تبقى قلقانة وحيرانة.. ويبقى فى عنيكى سؤال.. ولو شفتينى قلقانة.. تهدينى وتدينى.. لأيامى اللى جيه آمال.. ووصانا رسولنا عليكى.. وقال يا أمى يا غالية.. الجنة تحت رجليكى.. بإيه يا أمى أهاديكى!.. يا حلوة يا أم شعر طويل.. يا بنت الأهرامات والنيل.. هاجبلك فى بوكيه جميل.. ورد وشمعة ومنديل.. وعندى ع التلاتة دليل.. والوردة أنتى يا أمى.. يا أجمل وردة قدامى.. الشمعة أنتى يا أمى.. منورة بيكى أيامى.. ومنديل يمسح الدمعة.. ساعة حزنى وآلامى.. وبحلم بيكى يا أمى.. أنا زهرة وإنت يا أمى بستانى.. بلاقيكى فى كل أحوالى حواليه.. ولا تكفى حاجة عندى.. بيها أهاديكى يا أمى.. ولو أديكى عنيه.. محسش إنى برضيكى.. ولو عوزانى أهاديكى.. أدى قبلة على إديك.. بموت فيكى.
جنزور- منوفية مركز بركة السبع
