أنا مش نبى ومش رسول علشان أقول وأحكم.. أنا عبد كان لسه ومازال فى المهد طفل مهماً بلغت.. ولو مش باكتب بابصم.. باسرح بعيد بخيال لا يمكن أوصفه.. لكنى عارف إن أنا آخرى تراب هيلمنى.. يا معلمانى الصبر يا أمة يا مدوقانى الحب من بقك.. يا مشر بانى الحلو من صدرك يا للى مفيش قبلك يا للى مفيش بعدك.. يا للى صدى صوتك لسه بينده اسمى.. وأنا لسه فاكر أول كلمة قولتهالى وأنا بامشى.. خلى خطاويك ثابتة ما تحودشى.. مين اللى قال إن الصبايا لسه عودهم ما انتناش.. لسه عودهم ما اتعوجشى.. يامؤمنة يا موحدة بالله لسه طوق النجاة موجود ما بعدشى.. سلمت بإن الميه مهما تخلص م البحور.. همّا أبدا ما يتوبوش عن رمشى.. أصل أنا زى ما أنا.. فيا عنا قيد الطفولة مزهرة ما دبلتشى.
