عيدك يا أمى مش بس يوم دا ف كل ساعة وف كل يوم
ياللى عينيك ما شافتش نوم ودايماً يا أمى شايلة الهموم
وف عز ضعفك ما ارتحتى يوم وياما فى حضنك شبعت نوم
مين اللى حدد مين اللى آيس وقال نعيد فى شهر مارس
مين اللى خلى حقك يضيع وقال دا عيدك جاى فى الربيع
ياللى فنيت زهرة صباك لأجل تشوفينى نجم فى سماك
وتعبت ياما وطال مساك ولا انتظرت رد لعطاك
دنا لو هاقدم روحى فداك وأبوس إيديك وتراب خطاك
مش ممكن أوفى يا امه جزاك يا غالية ياللى ماليش سواك
ياللى نبينا محمد وصى عليك وعيسى فى مهده دعا ربه ليك
يارب يا امه يبارك لى فيك والجنة تفتح أبوابها ليك
عيدك يا أمى مش بس يوم دا ف كل ساعة وف كل يوم
